CIENCIAS DA NATUREZA
Os seres humanos somos animais racionais, é dicir, aos que nos gusta saber o porque de todas as cousas e logo, se nos deixan, clasificalas e organizalas segundo os nosos criterios.
O mundo que nos rodea foi dende sempre un bo lugar sobre o que facerse preguntas: que son os raios? Cal foi o primeiro ser vivo sobre a superficie terrestre? ou porque flotamos na auga? foron algunhas das preguntas que nos fixemos.
Ao abrir esta porta buscarás a resposta a moitos dos enigmas da natureza.
Atréveste?
Escollede un tema e comezade a anotar preguntas, a tirar do fío e a buscar información. Calquera fonte pode ser boa, os pais e nais, os avós e avoas, libros, internet, documentais na tele, experimentando vós mesmos. Pero non esquezades contrastar a información e citar as fontes.
Podedes presentar o traballo en calquera formato (vídeo, escrito, debuxo, comic...)
Estamos impacientes por recibir as vosas creacións, se queredes.
Ánimo, científicas e científicos !!!
